Бишкек, 16.10.19. /Кабар/. Футбол боюнча Канаданын курамасы 34 жыл аралыгында биринчи жолу АКШнын командасын жеңди. Бул тууралуу Р-спорт басылмасы билдирет.
КОНКАКАФ конфедерациясынын Улуттар лигасындагы А тайпасында орун алган эки команданын оюну 2:0 эсебинде Канаданын пайдасына жыйынтыкталды. Беттеште канадалык оюнчулар Алфонсо Дэвис жана Лукас Каваллини гол киргизишти.
Канаданын футболчулары 1985-жылдын апрель айынан бери АКШнын командасына утулуп келе жаткан чынжырды үзүп, аларды жеңип алды.
Белгилей кетсек, Улуттар лигасы 2018-жылдан бери Америка континентиндеги 40 команда арасында өткөрүлүп келет.
Пикир
Оставить комментарий