Кантта 17 жаштагы кызды зордуктоого аракет кылган шектүүнү кармоо аракеттери жүрүүдө

Бишкек, 10.10.19. /Кабар/. Ысык-Ата районунда жашы жете элек кызды зордуктоо фактысы боюнча сотко чейинки өндүрүш иштери журүүдө.

2019-жылдын 8-октябрында Чүй облустук милициясына 48 жаштагы М.С., аттуу жергиликтүү аял арыз менен кайрылган. Анда ошол күнү болжол менен саат 08:55те Кант шаарында жайгашкан үйүнүн адында эркек киши жашы жете элек кызын зордуктоого аракет кылгандыгын билдирген.

Аталган факты Кылмыштар менен жоруктардын бирдиктүү реестринде каттоого алынган.

Кылмыштын бетин ачуу максатында тиешелүү тапшырмалар берилип, керектүү экспертиза дайындалган.

Азыркы учурда шектүүнүн өздүгү такталып, кармоо иш-аракеттери жүрүп жатат.

Милициядан кошумчалашкандай, кыз 2002-жылы туулган.