Кара-Балтада пенчак силат боюнча Кыргызстандын чемпионаты өтөт

Бишкек, 03.04.24. /Кабар/. Кара-Балта шаарында пенчак силат боюнча эркектер жана кыз-келиндер арасында Кыргызстандын чемпионаты өтөт.

Дене тарбия жана спорт департаментинен билдиришкендей, мелдеш 27-28-апрель күндөрү “Манас” спорт комплексинде өтүп, ага республиканын бардык аймактарынан келген спортчулар катышат.

Эркектер арасында 45, 50, 55, 60, 65, 70, 75, 80, 85, 90, 95, 110, +110 кг чейинки салмакта, ал эми кыз-келиндер арасында 45, 50, 55, 60, 65, 70, 75, 80, 85, 100, +100 кг салмакта күч сынашат.