Бишкек, 23.08.23./Кабар/. Кара-Суу районунун аймагында 2 кг баңгизат менен 44 жаштагы жаран кармалды. Бул тууралуу Ош облустук милициясынан билдиришти.
Маалыматка ылайык, 15-августта Ош шаарынын тургуну К.И.нин башкаруусундагы унааны тинтүү учурунда алдыңкы орундуктан 1 кг 936 грамм "гашиш" баңгизаты табылган.
Кылмышка шектүүгө карата КР Кылмыш-жаза кодексинин "Баңгизат каражаттарынын, психотроптук заттарды жана алардын аналогдорун сатып өткөрүү максатында мыйзамсыз даярдоо" беренеси боюнча кылмыш иши козголгон.
18-августта шектүүнүн баш коргоо чарасы каралып, ал 2 айга камакка алынды.
Учурда тергөө-оперативдик иш-чаралар улантылууда.
Пикир
Оставить комментарий