Бишкек, 28.12.21. /Кабар/. Ош облусунун Кара-Суу районунда каналдан эркек кишинин сөөгү табылды. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Кара-Суу районунун Ишкаван айылынын Көкүм-Бий көчөсүндө каналда белгисиз адамдын сөөгү жаткандыгы тууралуу маалымат түшкөн.
Куткаруучулар каналдан белгисиз эркек кишинин (аты-жөнү такталууда) жансыз денесин чыгарышып, ИИМ кызматкерлерине өткөрүп беришкен. 4 куткаруучу тартылган.
Пикир
Оставить комментарий