Караколдо 100 млн сомго спорт комплексин куруу пландалууда

Бишкек, 28.11.22. /Кабар/. Муниципалдык менчикти башкаруу департаменти Каракол шаарында спорт комплексин куруу үчүн тендер жарыялады.

Мамлекеттик сатып алуулар сайтында маалымдалгандай, пландалган сумма - 100 млн 51 миң 740 сом, сунуш берүүнүн акыркы мөөнөтү 12-декабрда аяктайт.

Техникалык негиздемесинде айтылгандай, комплекс көп функциялуу болуп, эки блоктон турат.