Бишкек, 17.08.20. /Кабар/. Катар мамлекетинен келген гуманитардык жардам сатылган жок. Бул тууралуу Республикалык штабдан билдиришти.
Дары-дармек жана медициналык жабдуулар департаментинин дары-дармектерди сактоо секторунун жетекчиси Өскөн Стамкулов социалдык тармактарда тарап жаткан "Катардан келген гуманитардык жардам сатылып жатат" деген маалыматты төгүндөдү.
"Катар мамлекети берген 420 кычкылтек концентратору Дары-дармек жана медициналык жабдуулар департаментинин кампасында турат. Алар КР Саламаттык сактоо министирлигинин чечими менен гана республикадагы медициналык мекемелерге таратылмакчы", - деди ал.
Белгилей кетсек 3-августта Катар мамлекетинен тарабынан Кыргызстанга жалпы наркы 250 миң доллар болгон 420 кычкылтек концентратору берилген.
Пикир
Оставить комментарий