Бишкек. 20.03.19 /Кабар/. Казакстандын парламенти – Мажилис менен Сенат – биргелешкен жыйында Астана шаарын Нурсултан кылып өзгөртүү сунушун колдошту. Тиешелүү чечимди депутаттар бүгүн кабыл алышты.
"Сенаттын 43 депутаты, Мажилистин – 103 депутаты колдоду. Урматтуу кесиптештер, тарыхый чечим кабыл алынды", - деди Мажилистин спикери Нурлан Нигматулин.
Эске салсак, Казакстандын президенти Касым-Жомарт Токаев Астана шаарын Нурсултан кылып өзгөртүү сунушун киргизген.
Борбор калаанын атын референдуму жок эле өзгөртүү каралган болчу.
Эми Казакстандын борбору Астана Нурсултан болуп өзгөртүлмөй болду.
Касым-Жомарт Токаев 20-март күнү Казакстандын президенти катары ант берди.
Токаев 2020-жылга белгиленген шайлоого чейин Казакстандын президенти болуп калат.
19-мартта Казакстандын тунгуч президенти 79 жаштагы Нурсултан Назарбаев өз эрки менен отставкага кетти.
Назарбаев "Нур Отан" партиясынын лидери жана Коопсуздук кеңешинин төрагасы бойдон кала берерин билдирди.
Пикир
Оставить комментарий