Казакстанда акыркы сутка ичинде 3 миң 31 кишиден COVID-19 аныкталды

Бишкек, 05.07.21. /Кабар/. Казакстанда өткөн суткада коронавирус инфекциясы 3 миң 31 кишиден аныкталды. Бул тууралуу coronavirus2020.kz. сайтына шилтеме менен “Казинформ” эл аралык маалымат агенттиги билдирет.

Маалыматка ылайык, Нур-Султан шаарында – 799, Алматы шаарында - 396 Шымкент шаарында – 161, Акмоло облусунда – 130, Актөбе облусунда - 69, Алматы облусунда - 92, Атырау облусунда - 149, Чыгыш-Казакстан облусунда – 66, Жамбыл облусунда – 57, Батыш-Казакстан облусунда - 186, Караганда облусунда - 499, Костанай облусунда - 54, Кызылорда облусунда - 33, Мангистау облусунда - 196, Павлодар облусунда - 87, Түндүк-Казакстан облусунда - 12, Түркестан облусунда – 45 адамдан COVID-19 табылган.

Казакстанда оору катталгандан тарта бардыгы болуп 436 миң 962 адам коронавирус жуктурган.