Бишкек, 15.11.18. /Кабар/. Казакстандагы эл аралык кинофестивалда атайын программанын алкагында “Курманжан Датка” тасмасы көрсөтүлөт. Бул тууралуу “Айтыш” коомдук фондунун маалымат-катчысы Чолпон Идрисова билдирди.
Шакен Аймановдун эл аралык кинофестивалы Алмата шаарында 17-21-ноябрь күндөрү өтөт. Бул фестивалга көптөгөн кинематографисттер катышып, дүйнөлүк жана казакстандык мыкты тасмалар көрсөтүлөт.
Бул иш-чарада кыргыз кинорежиссеру, продюсер жана Лос-Анжелестеги эл аралык Asian World Film Festival Азия кино фестивалынын негиздөөчүсү Садык Шер-Нияз сынактык программасынын төрагасы болот.
Белгилей кетсек, кыргыз кинорежиссеру Темир Бирназаровдун “Түнкү кырсык” тасмасы фестивалдын баш байгесине ат салышат.
Пикир
Оставить комментарий