Бишкек, 16.12.19. /Кабар/. Кыргызстандын хоккей боюнча улуттук курама командасы кышкы Олимпиада оюндарынын тандоо мелдешинин экинчи турунда утулуп калды.
Мелдеш кечээ Румыниянын Брашов шаарында аяктады.
Улуттук курама үч оюн өткөргөн. Биринчи оюнда Исландиянын командасына 9:4 эсебинде жеңилип калса, экинчисинде Румыниянын командасы 18:2 эсебинде уткан. Жыйынтыктоочу оюн Израилдин командасы менен болуп, кыргызстандын хоккейчилер 4:5 эсебинде артта калышкан.
Ошентип, Кыргызстан Олимпиадага жолдомо үчүн күрөшүн токтотту.
Эскерте кетсек, Кыргызстандын курамасы ноябрь айында Люксембургда өткөн тандоо турунун биринчи баскычынын жеңүүчүсү аталган.
Пикир
Оставить комментарий