Бишкек, 14.10.20. /Кабар/. Ысык-Көл облусунда табигый кырсыктардан 368 кожолук корголду, - деп билдирет Өзгөчө кырдаалдар министрлигинин (ӨКМ) басма сөз кызматы.
Министрликтин билдирүүсүнө караганда, ӨКМ тарабынан табигый кырсыктарды алдын алуу жумуштары жүргүзүлүүдө. Аталган иш-чара 2 багытта жүрөт: капиталдык курулуш, оңдоп-калыбына келтирүү жана авариялык-калыбына келтирүү жумуштары, экинчи багытта: атайын алдын алуу жана кесепеттерин жоюу.
Капиталдык курулуш, оңдоп-калыбына келтирүү жана авариялык-калыбына келтирүү алкагында коргоочу курулмаларды куруу, жээктерди бекемдөө жумуштарынын 2020-жылга карата болжолдуу-планына 3 объектте иш мерчемделип, 9 ай ичинде 1 объектте жумуш жүргүзүлүп, биринчи этабы аяктаган.
Ал эми алдын алуунун экинчи багыты - “Атайын алдын алуу жана кесепеттерин жоюу” иш-чараларын 2020-жылдагы Болжолдуу-планына 25 обьект киргизилип, 23 объектиде иш бүткөн жана 2 объектиде иштер улантылууда.
Аткарылган иш-чаралардын натыйжасында 368 кожолук жана 8 га чарба үлүш жерлери, 1 мектеп, 1 ФАП,1 көрүстөн корголду.
Пикир
Оставить комментарий