Бишкек, 14.11.17. /Нурсулуу Нуркамилова - Кабар/. Кечээ, 14-ноябрда Нарындагы Кочкор районунун аймагынан куткаруучулар 3 адамдын жансыз денесин табышкан. Бул тууралуу ӨКМ басма сөз кызматы билдирет.
Маалыматка ылайык, саат 11:45 чамасында КР ӨКМнин №42 өрт-куткаруу бөлүмүнүн куткаруучулары Арчалуу тилкесиндеги тоонун боорунан белгисиз адамдын жансыз сөөгүн алып түшүшкөн.
Кийинчерээк ушул эле бөлүмдүн куткаруучулары болжол менен саат 13:16 чамасында Орто-Токой суусунун жээгинен белгисиз адамдын жансыз денесин алып чыгышкан.
Андан сырткары, түшкөн кийин саат 16:22 чамасында Жылуу-Суу тилкесиндеги Чу суусунун жээгинен белгисиз адамдын жансыз денеси табылган.
ӨКМден кабарлашкандай, куткаруучулар табылган сөөктөрдү өздүгүн тактоо үчүн милиция кызматкерлерине өткөрүп беришкен.
Пикир
Оставить комментарий