Бишкек, 24.08.22. /Кабар/. Нарындын Кочкор районунда токойдогу бак-даракты мыйзамсыз кыйган жаран аныкталды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Билдирүүгө караганда, 22-августта министрликтин инспекторлору рейд жүргүзүшкөн. Анын жүрүшүндө мыйзамсыз бак-дарактарды кыюу фактысын аныкташкан.
Кочкор районундагы Сары-Чат аймагында С.М. аттуу жаран уруксаты жок токойдогу бак-дарактарды кыйган.
Министрликтин өкүлдөрү жеринде акт түзүп, өсүмдүктөр дүйнөсүнө келтирилген зыянды эсептеп чыгышты. Чогултулган материалдар мыйзам чегинде чара көрүү үчүн укук коргоо органдарына өткөрүлүп берилди.
Пикир
Оставить комментарий