Бишкек, 14.04.20. /Кабар/. Коронавирус жуктурган 13 адамдын абалы оор, тогузу жандандыруу бөлүмүндө жатат. Бул тууралуу саламаттык сактоо министринин орун басары, өлкөнүн башкы санитардык дарыгери Нурболот Үсөнбаев өкмөт үйүндө өтүп жаткан маалымат жыйынында билдирди.
Анын айтымында, Кыргызстанда коронавирус жуктуруп ооруканаларда жаткандардын саны 354тү түзөт. “Алардын ичинен 13үнүн абалы оор, ал эми тогузу реанимация бөлүмүнө жаткырылды. Калган 341инин абалы канааттандырарлык”, - деп кошумчалады ал.
Белгилей кетсек, 14-апрелге карата Кыргызстанда коронавирус жуктуруп алган 11 жаңы учур катталып, ооруга чалдыккандардын саны 430га жетти. Илдеттен 71 адам айыкса, вирус жуктурган 5 адам көз жумду.
Пикир
Оставить комментарий