Бишкек, 23.05.24. /Кабар/. Президент Жапаров “Кыргыз Республикасынын айрым мыйзам актыларына (КР Кылмыш-жаза кодексине, КР Кылмыш-жаза процессуалдык кодексине) өзгөртүүлөрдү киргизүү жөнүндө” КР мыйзамына кол койду.
Мыйзам 2024-жылдын 11-апрелинде КР Жогорку Кеңеши тарабынан кабыл алынган.
Кабыл алынган мыйзам менен КР Кылмыш-жаза кодексине өзгөртүүлөр киргизилди, ага ылайык кылмыш жасаган учурда алтымыш жаш куракка жеткен, баланын жыныстык кол тийбестигине жана жыныстык эркиндигине каршы кылмыш жасаган эркектерге өмүр бою эркиндигинен ажыратуу түрүндө жаза дайындалышы мүмкүн.
Ошондой эле мыйзам менен КР Жазык-процессуалдык кодексине өзгөртүүлөр киргизилип, анда сот жазаны өтөөгө тоскоол болгон катуу оорунун бар экендигине карабастан баланын жыныстык кол тийбестигине жана жыныстык эркиндигине каршы кылмыш жасаган адамга жаза дайындоо менен айыптоо өкүмүн чыгараары каралган.
Пикир
Оставить комментарий