Бишкек, 30.04.22. /Кабар/. 2022-жылдын 30-апрелинде Кыргызстандын тышкы иштер министри Жээнбек Кулубаев Казакстандын КРдагы элчиси Рапил Жошыбаевди кабыл алды. Бул тууралуу КР ТИМдин басма сөз кызматы билдирет.
Маалыматка ылайык, тараптар саясий, соода-экономикалык жана маданий-гуманитардык чөйрөлөрдөгү кыргыз-казакстан мамилелеринин актуалдуу жана учурдагы маселелерин талкуулашты.
Ошону менен бирге, Казакстандын президенти Токаевдин Кыргызстанга боло турган иш сапары кеңири талкууланды. Бул иш- чаранын алкагында биргелешкен пландарды жана долбоорлорду ишке ашыруусуга өзгөчө көңүл бурулду.
Маданий-гуманитардык кызматташтыкты өз ара өнүктүрүү ниети билдирилди, кыргыз-казакстан дипломатиялык мамилелерин түзүлгөндүгүнүн 30 жылдыгынын алкагында биргелешкен маданий иш-чараларды өткөрүү маселелери талкууланды.
Ошондой эле эл аралык уюмдардын жана регионалдык бирикмелердин алкагында өз ара аракеттенүү маселелери боюнча пикир алмашуу болду.
Пикир
Оставить комментарий