• 88.91
  • 94.75
  • 0.95

КР токой чарбалары 8 миңге жакын ижарачы менен келишимди токтотту

Коом 0

Бишкек, 09.12.22. /Кабар/. Бүгүнкү күндө Кыргызстандын токой чарбалары 21 миң ижарачыга токой жайыттарын пайдаланууга берет. Бул тууралуу "Кабар" агенттигинде өткөн маалымат жыйынында Токой кызматынын директору Алмаз Мусаев билдирди.

Анын айтымында, алар бул жерлерде туристтер үчүн чатырларды тигишет, кичи ГЭСтерди курушат, пайда кен байлыктарды казуу же балык кармоо менен алектенишип, токой аянттарын кеңейтүүгө жардам беришет.

"2022-жылы биз иштеп жаткан келишимдерге толук инвентаризация жүргүздүк. Бүгүнкү күндө бул келишимдердин 8 миңге жакынын токтоттук. Биз бул документтерди 40 аймактагы отчеттук маалыматтар менен бирге санарип форматка өткөрүп жатабыз. Эми бардык документтер электрондук форматта болот", - деди ал.

Мусаев белгилегендей, мамлекеттик токой фондусунун жерлеринде токой чарбасын натыйжалуу жүргүзүү, токойлуу аймактарда жана токой четинде же ага жакын жерлерде жашаган калктын социалдык турмуш деңгээлин жогорулатуу жана калкты токойлорду өстүрүү, сактоо, коргоо пайдалануу жана башкаруу иштерине тартуу максатында 2022-жылдын тогуз айында пайдаланууга 41 989,9 га жер аянты берилген, пайдалануудан түшкөн акча каражат 31 177,4 миң сомду түзөт.

Пикир

Оставить комментарий