Бишкек, 18.02.19. /Кабар/. Кыргызстанда 2018-жылдын 11 айынын жыйынтыгында сифилис менен ооруган 399 учур катталган. Бул тууралуу саламаттык сактоо министрлигинин оорулардын алдын алуу жана мамлекеттик санитардык-эпидемиологиялык көзөмөл Департаментинин отчетунда кабарланат.
Документте айтылгандай, бул көрсөткүч 2017-жылдын көрсөткүчүнөн 28 учурга көп. Анын ичинен төрт учурда 14 жашка чейинки балдар сифилис менен ооруп калышкан.
Андан тышкары, былтыркы жылы гонорея менен жабыркаган 165 учур катталган, анын ичинен 4 учурда 14 жашка чейинки балдар катталган.
2018-жылы ВИЧ-инфекциялары менен жабыркагандардын жалпы саны 1,6%га өсүп, 820 учур катталган. 2017-жылы бул көрсөткүч 796ны түзгөн. Эң жогорку көрсөткүч Чүй облусунда (924,0), Ош (16,7) жана Бишкек (31,2) шаарларында байкалган.
Пикир
Оставить комментарий