Бишкек, 12.10.17./Кабар/. Кыргызстанда эл аралык террордук уюмдун мүчөсү кармалды. Ал Сирияда аскерий иш-аракеттерге катышып келген. Бул тууралуу УКМКнын басма сөз кызматы билдирет.
Билдирүүгө ылайык, кармоо иштери бүгүн жүргүзүлгөн. Маалым болгондой, ал Ош облусунун 1978-жылы туулган К.Х., аттуу жараны. 2013-жылы Кыргызстандан Сирияга кетип, террордук топтун мүчөлөрүнө кошулуп, Сириянын өкмөттүк күчтөрүнө каршы аскердик иш-аракеттерге катышкан.
Билдирүүгө ылайык, 2016-жылы эл аралык террордук уюмдун башчысынын буйругу менен Борбор Азия өлкөлөрүндө, анын ичинде Кыргызстандын аймагында да террорчулук аракеттерди жасоо максатында жөнөтүлгөн.
Учурда кылмыш ишин козгоо маселеси каралып жатат.
Пикир
Оставить комментарий