Бишкек, 04.04.23. /Кабар/. Кечээ, 3-апрелде КР тышкы иштер министри Жээнбек Кулубаев Казакстандын жаңыдан дайындалган премьер-министринин орун басары – тышкы иштер министри Мурат Нуртлеу менен телефон аркылуу сүйлөштү.
КР тышкы саясий ведомствосунун басма сөз кызматынан билдиришкендей, Жээнбек Кулубаев Мурат Нуртлеуну Казакстандын премьер-министринин орун басары – тышкы иштер министри кызматына дайындалышы менен куттуктады.
Сүйлөшүүнүн жүрүшүндө тараптар кыргыз-казак мамилелеринин күн тартибиндеги актуалдуу маселелерин талкуулап, пикир алмашып, эки тараптуу жана көп тараптуу кызматташуу форматтарында мындан аркы өз ара аракеттенүүнүн келечегин белгилешти.
Пикир
Оставить комментарий