Бишкек, 23.03.22. /Кабар/. Кыргызстанда жыл сайын кургак учуктун 5 миң 600дөн ашуун учуру катталат. Бул тууралуу Республикалык штабдан билдиришти.
Окумуштуулардын маалыматы боюнча, кургак учук сыяктуу аба аркылуу жугуучу респиратордук инфекциялардан жабыркаган адамдарда COVID-19 оор өтүү ыктымалдыгы жогору.
“COVID-19 менен күрөшүү үчүн кургак учукка чалдыккандар коронавирус инфекциясына каршы эмдөө алуулары зарыл. Бул үчүн жашаган жери боюнча үй-бүлөлүк медицина борборлоруна кайрылуу кажет”, - деп айтылат маалыматта.
Эмдөө алууга болбойт:
- курч респиратордук ооруларга кабылганда;
- вакцинанын компоненттерине аллергия болсо;
- өнөкөт оорулар күчөп жатканда;
- сезгенүү процесстери жана интоксикация белгилери айкын кургак учуктун активдүү фазасында.
Эгерде сизде жогоруда аталган каршы көрсөтмөлөр болсо, анда дарыланып, андан соң эмдөөдөн өтүү сунушталат.
Пикир
Оставить комментарий