Бишкек, 26-апрель /Роман Гайнанов – Кабар/. Бүгүн Бишкекте Кувейттин делегациясынын катышуусунда Бишкекте алгачкы балдардын онкогематологиялык борборун куруу долбоорунун бет ачары болду. Борбор Улуттук онкогематологиялык борборунун алдында кувейттик Ал-Сафа кайрымдуулук фонду тарабынан курулушу күтүлүүдө.
“Жардамдашуу оңой” коомдук фондунун аткаруучу директору Динара Аляеванын айтымында, Кувейттик делегациянын курамында белгилүү жана үй-бүлөлүү бай меценаттар болгон. “Алардын арасында футболчу Бедер Хаджи, белгилүү блоггер Сари, миллионер Ахмед Ашайя, ТВ-продюсер Ахмед Аланзи бар. Бул адамдардын жардамы менен балдардын онкогематологиялык борборунун курулушуна каражаттар топтолууда. Бүгүн палаталарга шкафтар, отургучтар жана башка эмерек буюмдар берилди”, - деди ал.
Борбор 100 керебетке эсептелип, заманбап медициналык жабдуулар менен камсыздоо пландалууда.
Пикир
Оставить комментарий