Бишкек, 30.11.20. /Кабар/. Кыргыз-казак чек арасындагы "Каркыра" бекети 2021-жылдын жазына чейин жабылат. Бул тууралуу КР Мамлекеттик чек ара кызматынын коомчулук жана ЖМК менен байланыш бөлүмү билдирет.
Маалыматка ылайык, 2020-жылдын 30-ноябры, саат 18:00дөн тартып "Каркыра унаа жолу" көзөмөл жайы жабылат.
"Аба ырайынын кескин өзгөрүшүнө байланыштуу жана өзгөчө кырдаалдардын алдын алуу максатында кыргыз-казак мамлекеттик чек ара тилкесиндеги "Каркыра унаа жолу" (Кыргызстан) жана "Кеген унаа жолу" (Казакстан) бекеттери 2021-жылдын 1-мартына чейин убактылуу жабылат", - деп айтылат маалыматта.
Эске сала кетсек, бекет Ысык-Көл облусунун Түп районунда жайгашкан.
Пикир
Оставить комментарий