Бишкек, 26.01.24. /Кабар/. Кыргыз-кытай чек арасында жер титирөө уланууда.
Сейсмология институтунун маалыматына таянсак, күн мурун күндүзгү саат 10:59да жана 14:14тө күчү 4 баллга жеткен эки жер титирөө катталган. Бүгүн түнкү саат 02:01де 6 баллга жакын, саат 04:38де күчү 4,5 баллга жеткен жер силкинүү болду.
Андан тышкары, бүгүн эле таңкы саат 06:17де жана 07:55те очогунда күчү 4 баллга жеткен эки жер титирөө катталды.
Кыргызстандын Бедел (4,5 балл), Ак-Шыйрак (4 балла), Ыштык айылдарында жана Кумтөрдө (4 балл) жер силкинүү сезилген.
Пикир
Оставить комментарий