Бишкек, 16.10.24. /Акназик Тургунбаева - Кабар/. Б. Ельцин атындагы Кыргыз-Россия Славян университетинин жаңы жетекчиси окуу жайдын жамаатына расмий түрдө тааныштырылды. Бул тууралуу окуу жайдын басма сөз кызматы билдирди.
Маалыматка ылайык, иш-чара окуу жайдын кызматкерлери, декандары жана студенттеринин башын бириктирген кеңейтилген окумуштуулар кеңешинин алкагында өттү.
Жаңы жетекчини Россиянын илим жана жогорку билим берүү министринин орун басары Константин Могилевский менен КР билим берүү министрлигинин башчысынын орун басары Расул Авазбек уулу тааныштырды.
Өз кезегинде Волков өзү жана анын жетишкендиктери, анын ичинде билим берүү тармагындагы бир топ инфраструктуралык долбоорлор жөнүндө айтып, окуу жайда бир катар чечүүнү талап кылган көйгөйлөр бар экенин белгиледи.
Иш-чаранын соңунда КРСУнун ректору Сергей Волков Россиянын илим жана жогорку билим министринин орун басары Константин Могилевский менен биргеликте Бишкектин келечектүү аймагында окуу жайдын жаңы кампусун куруу пландалып жаткан объектиге барды.
Волковдун алдында турган негизги милдеттердин бири 2030-жылга чейин заманбап окуу жайдын кампусун куруу. Анын ири долбоорлорду ишке ашыруудагы олуттуу тажрыйбасынын аркасында Борбордук Азияда алдыңкы класстар жана лабораториялар менен жабдылган, ошондой эле студенттер үчүн ыңгайлуу шарттарды сунуштаган эң мыкты мекеме түзүү пландаштырылууда.
Пикир
Оставить комментарий