Бишкек, 02.02.19 /Кабар/. Маданият, маалымат жана туризм министрлигине караштуу «Кыргыз туризм» мамлекеттик ишканасы түзүлүүдө. Тийиштүү чечимге премьер-министр Мухаммедкалый Абылгазиев кол койду.
«Кыргыз туризм» мамлекеттик ишканасы туризм тармагындагы мамлекеттик саясатты натыйжалуу ишке ашыруу жана мамлекеттик менчикте турган санаториялык-курорттук уюмдарды рационалдуу пайдалануу максатында түзүлүүдө.
«Кыргыз туризм» ишканасынын милдети болуп төмөнкүлөр саналат:
- туризм тармагындагы мамлекеттик жана аймактык деңгээлдеги саясаттын аткарылышын камсыздаган механизмди түзүү;
- туристтик, экскурсиялык, мейманкана жана туризмге тийиштүү тейлөөлөр рыногун өнүктүрүү, туристтик бизнести өнүктүрүүгө инвестицияларды тартуу;
- мамлекеттик менчикте турган туристтик объектилердин, сервис-борборлордун инфраструктурасын модернизациялоо.
«Кыргыз туризм» ишканасы өз ишмердүүлүгүн республиканын мыйзамдарына жана бекитилген уставга ылайык жүргүзөт.
Бул мамлекеттик ишканананын директору премьер-министри тарабынан эки жылдык мөөнөткө кызматка дайындалат жана андан бошотулат.
Пикир
Оставить комментарий