Бишкек, 01.10.24. /Кабар/. Бүгүн Казакстандын “Берег” окуу талаасында ЖККУнун Тынчтыкты сактоо күчтөрүнүн “Бузулбас боордоштук-2024” командалык-штабдык машыгуусу башталды.
Коргоо министрлигинен билдиришкендей, машыгууга Беларусь, Казакстан, Кыргызстан, Россия жана Тажикстандын улуттук контингенттеринин тынчтыкты сактоо күчтөрүнүн жана ошондой эле, ЖККУнун бириккен штабынын ыкчам топтору жалпысынан 2 миңден ашуун аскер кызматчысы катышууда.
Мындан тышкары, машыгууга 500гө чукул зооттолгон аскердик техниканын түрлөрү, Ми-17, Ми-35 тик учактары, Ил-76 жана Си-295 учактары жана учкучсуз авиация пайдаланылууда.
Машыгуу биргелешкен машыгуу учурунда тынчтыкты сактоо күчтөрүнүн өз милдеттерин аткарууда жигердүү, чебер жана чечкиндүү аракеттердин ырааттуулугун жогорулатуу максатын көздөйт.
Пикир
Оставить комментарий