Кыргызстан ЮНЕСКОнун Материалдык эмес маданий мурастарды коргоо боюнча өкмөттөр аралык комитетинин баа берүү органына шайланды

Бишкек, 21.12.21. /Кабар/. Кыргызстан ЮНЕСКОнун Материалдык эмес маданий мурастарды коргоо боюнча өкмөттөр аралык комитетинин баа берүү органына шайланды. Бул тууралуу КР Тышкы иштер министрлигинин басма сөз кызматы билдирет.

Маалыматка ылайык, 2021-жылдын 18-декабрында ЮНЕСКОнун штаб-квартирасында (Париж, Франция) ЮНЕСКОнун Материалдык эмес маданий мурастарды коргоо боюнча өкмөттөр аралык комитетинин 16-сессиясы ишин аяктады.

Комитеттин жыйынынын жүрүшүндө ЮНЕСКОнун Материалдык эмес маданий мурастарды коргоо боюнча өкмөттөр аралык комитетинин баалоо органына шайлоо өттү. Добуш берүүнүн жыйынтыгында Азия-Тынч океан тобуна кирген үч өлкөнүн – Кытай, Индонезия жана Кыргызстандын ичинен бул шайлануучу органга талапкерлердин арасынан ЮНЕСКОдо аккредитацияланган “Айгине” маданий-изилдөө борбору, бейөкмөт уюм тарабынан көрсөтүлгөн Кыргызстан алды. Комитет мүчөлөрүнүн эң көп добушу менен 4 жылдык мөөнөткө ЮНЕСКОнун Материалдык эмес маданий мурастарды коргоо боюнча Өкмөттөр аралык комитетинин Баалоо органына шайланат.

ЮНЕСКОнун Материалдык эмес маданий мурастарды коргоо боюнча Өкмөттөр аралык комитетинин баалоо органы 12 мүчөдөн турат, алар ЮНЕСКОнун Материалдык эмес маданий мурастардын тизмесине киргизүү үчүн кароого сунушталган бардык номинациялар боюнча алдын ала чечим кабыл алышат.

Кыргыз Республикасынын ЮНЕСКОнун алдындагы Туруктуу делегациясы, Кыргыз Республикасынын ЮНЕСКО иштери боюнча Улуттук комиссиясы жана “Айгине” КИК ишмердигиндеги маанилүү иштердин бири болгон Баалоо органына шайлануу үчүн олуттуу иштерди жүргүзүштү. ЮНЕСКОнун материалдык эмес маданий мурастарды коргоо боюнча өкмөттөр аралык комитети. Кыргызстандын бул органга шайланышы өлкөнүн эл аралык аренадагы аброюн бекемдөөгө, ошондой эле материалдык эмес маданий мурастар чөйрөсүндө өлкөнүн кызыкчылыгын илгерилетүүгө өбөлгө түзөт.

Бул Комитеттин 16-сессиясына Кыргызстандын Баалоо органынын мүчөлүгүнө шайланышынан тышкары, төмөнкү улуттук номинациялар да камтылгандыктан жемиштүү болду:

- ЮНЕСКОнун материалдык эмес маданий мурастарды сактоо боюнча мыкты тажрыйбалардын тизмесине «Дүйнөлүк көчмөндөр оюндары: мурастын кайра жаралуусу, маданий көп түрдүүлүктүн майрамы»;

- ЮНЕСКОнун Адамзаттын материалдык эмес маданий мурастарынын репрезентативдик тизмесине кирген «Шумкарчылык».