Кыргызстан кылмыштуу жол менен алынган акчаны адалдоого каршы күрөштө көрсөткүчтөрүн жакшыртты

Бишкек, 24.12.24. /Кабар/. 2024-жылы Кыргызстан Базель башкаруу институту тарабынан жыл сайын жарыялануучу Эл аралык Базельдеги кылмыштуулук жол менен алынган акчаны адалдоого каршы индексинде ( Basel Anti-Money Laundering Index) 164 өлкөнүн ичинен 45-орунга көтөрүлдү.

Кыргызстан 0дөн 10го чейинки шкала боюнча 5,95 балл, 10 максималдуу тобокелдикти көрсөтүү менен өткөн жылга салыштырмалуу позициясын жакшыртты.

Белгилей кетсек, 2023-жылы Кыргызстан 6 упай менен 41-орунду ээлеген.

Аталган рейтинг өлкөлөрдү 18 негизги көрсөткүчтүн, анын ичинде кылмыштуу жол менен алынган кирешелерди легалдаштырууга жана терроризмди каржылоого каршы күрөшүү чөйрөсүндөгү мыйзамдардын сапаты, коррупциянын деңгээли, саясий-укуктук тобокелдиктер жана айкындуулуктун негизинде баалайт.

Өлкөлөрдүн арасында Кыргызстандын позициясы башка өлкөлөргө салыштырмалуу нейтралдуу. Эң жакшы көрсөткүчтөр Казакстанда (111-орун, 4,65 балл), андан кийин Өзбекстан - 5,27 балл менен 81-орунда. Борбордук Азиядагы эң начар позициялар Тажикстанда - 30-орун (6,45 балл) жана Түркмөнстанда - 23-орун (6,71 балл).

Чыгыш Европа жана Борбордук Азия мамлекеттеринин ичинен Черногория эң жакшы көрсөткүчкө ээ (4,23 балл), эң начары Түркмөнстан (6,71 балл).

Беларус 53-орунда (5,67 балл), Азербайжан 74-орунда (5,40 упай), Украина 82-орунда (5,26 балл), Грузия 113-орунда (4,64 балл).

Бул жылы кылмыштуу жол менен алынган акчаны адалдоо жана терроризмди каржылоо коркунучу эң төмөн болгон 5 өлкөнүн катарына Сан-Марино, Исландия, Финляндия, Эстония жана Андорра кирди.

Эң начар көрсөткүчтөр Мьянма, Гаити, Конго Демократиялык Республикасы, Чад жана Венесуэлада.