Бишкек, 02.06.20. /Кабар/. Президент Сооронбай Жээнбеков «2020-жылдын 5-майында Бишкек шаарында кол коюлган Кыргыз Республикасы менен Азия өнүктүрүү банкынын ортосундагы Кредиттик макулдашууну (COVID-19 пандемиясы менен күрөшүүдө ыкчам чара көрүү жана чыгымдарды колдоо программасы) жана 2020-жылдын 5-майында Бишкек шаарында кол коюлган Кыргыз Республикасы менен Азия өнүктүрүү банкынын ортосундагы Гранттык макулдашууну (COVID-19 пандемиясы менен күрөшүүдө ыкчам чара көрүү жана чыгымдарды колдоо программасы) ратификациялоо жөнүндө» Мыйзамга кол койду. Бул тууралуу президенттин аппаратынын маалыматтык саясат бөлүмү билдирди.
Мыйзам Кыргыз Республикасынын Жогорку Кеңеши тарабынан 2020-жылдын 28-майында кабыл алынган.
Аталган Мыйзамга ылайык, Кыргыз Республикасынын Финансы министрлиги белгиленген тартипте Азия өнүктүрүү банкына жогоруда аталган макулдашуулардын күчүнө кириши үчүн зарыл болгон мамлекеттик ички жол-жоболор Кыргыз Республикасы тарабынан аткарылганы жөнүндө кабарлоого тийиш.
Мыйзам расмий жарыяланган күндөн тартып күчүнө кирет.
Маалымат катары:
COVID-19 пандемиясына каршы күрөшүүдө ыкчам чара көрүү жана чыгымдарды колдоо боюнча сунушталган программа коронавирустук инфекциянын (COVID-19) пандемиясынын ден соолукка, социалдык жана экономикалык чөйрөгө тийгизген олуттуу терс таасирлерин жумшартуу үчүн Кыргыз Республикасынын өкмөтүнүн ыкчам аракеттерин колдоого багытталган Азия өнүктүрүү банкы (мындан ары — АӨБ) тарабынан көрсөтүлүүчү комплекстүү көмөктөшүү пакетинин бир бөлүгү болуп саналат.
Аталган программаны ишке ашыруу үчүн финансылык каражаттар АӨБ тарабынан 50 млн. АКШ доллары суммасында берилет, анын ичинде:
— АӨБдүн гранты — 25 млн. АКШ доллары;
— АӨБдүн кредити — 25 млн. АКШ доллары (кредит 24 жылдык мөөнөткө берилүүдө, анын ичинде 8 жыл — жеңилдетилген мезгил, узартуу берилген мезгилде пайыздык ставка — жылына 1% жана ар бир кийинки жылы — 1,5%).
Пикир
Оставить комментарий