Кыргызстан менен Палестина 2:2 эсебинде тең чыкты

Бишкек, 12.06.19. /Кабар/. Кечээ Кыргызстан менен Палестинанын футбол боюнча курама командаларынын беттеши 2:2 эсебинде тең чыгуу менен аяктады.

Жолдоштук беттеш Бишкектеги Дөлөн Өмүрзаков атындагы башкы стадиондо өттү.

Оюндун жүрүшүндө алгачкы голдун биринчи таймдын 31-мүнөтүндө Турсунаалы Рустамов киргизген.

Биринчи тайм 1:0 эсеби менен Кыргызстандын пайдасына аяктады.

Экинчи таймдын башында атаандаштардын дарбазасына экинчи голду Бекжан Сагынбаев киргизген. Андан соң палестиналыктар кыргыз футболчуларынын дарбазасына гол киргизип, кийин пенальти тээп, эсепти 2:2 кылышкан.