Бишкек, 22.09.20. /Кабар/. Кыргызстан менен Россиянын кайчылаш жылынын жабылуу аземин 2021-жылга жылдыруу пландалууда. Бул тууралуу Бишкекте өтүп жаткан Кыргызстан менен Россиянын соода-экономикалык, илимий-техникалык жана гуманитардык кызматташтык боюнча өкмөттөр аралык комиссиясынын 22-отурумунда вице-премьер-министр Эркин Асрандиев билдирди.
Ал пандемияга байланыштуу бир катар иш-чаралар өтпөй калганын айтып өттү.
"Бирок ал иш-чараларды ишке ашырабыз деп ойлойм", - деди ал.
Асрандиев Россиянын вице-премьер-министри Алексей Оверчук кайчылаш жылдын жабылуу аземин 2021-жылга жылдырууну сунуштаганын билдирди.
Ал эми Алексей Оверчук кайчылаш жылдын алкагында 220дан ашык иш-чара пландалып, анын көбү өткөрүлбөй калганын белгиледи.
"Биз биздин мекемелерге азыркы кырдаалда эмне кылууга болорун карап чыгууну жана кайчылаш жылдын жабылуу аземин 2021-жылга жылдырууну сунуштап жатабыз", - деди ал.
Пикир
Оставить комментарий