Бишкек, 22.09.20. /Кабар/. Кыргызстан менен Россиянын соода-экономикалык, илимий-техникалык жана гуманитардык кызматташтык боюнча өкмөттөр аралык комиссиясынын 22-отурумунда эки өлкөнүн ортосундагы аба каттамдардын санын көбөйтүү маселеси талкууланды. Бул тууралуу отурумдан кийинки маалымат жыйында вице-премьер-министр Эркин Асрандиев билдирди.
Ал 21-сентябрдан тарта Россия менен аба каттам жанданганын белгилеп өттү.
"Бүгүн ал аба каттамдардын санын акырындап көбөйтүү маселесин сүйлөштүк", - деди ал.
Россиянын вице-премьер-министри Алексей Оверчук эпидемиолгиялык кырдаал турукташканына жараша аба каттамдардын санын көбөйтүүгө болорун билдирди.
Пикир
Оставить комментарий