Бишкек, 07.10.24. /Кабар/. Кыргызстан тамекини ташып келүүгө, транзитке же реэкспорттоого алты айга убактылуу тыюу салууну пландоодо. Министрлер кабинетинин тиешелүү токтомунун долбоору Экономика жана коммерция министрлиги тарабынан коомдук талкууга коюлду.
Документке ылайык, долбоор Кыргызстандын жарандарынын ден соолугун жасалма, сертификаты жок тамекилерди керектөөдөн коргоо, ошондой эле тамеки аткезчилигине каршы күрөштү күчөтүү жана мамлекеттик бюджетке салыктык түшүүлөрдүн болжолдуу көрсөткүчтөрүн аткаруу максатында иштелип чыккан.
2023-жылы Мамлекеттик салык кызматы тарабынан мыйзамсыз жүгүртүүдөн 65 миң 231 куту тамеки тартып алынган.
2023-жылы мыйзамсыз чылымдын үлүшү 17,7%ды түзгөн. Oris, Mondeo, Like жана Madrid бренддериндеги бардык контрафакттар Сербия жана Бириккен Араб Эмираттары сыяктуу үчүнчү өлкөлөрдө өндүрүлгөн продукциялар болгон.
Пикир
Оставить комментарий