Бишкек, 27.11.23. /Кабар/. Кыргызстан жер титирөөдөн жабыркаган Афганистан элине гуманитардык жардам көрсөтөт.
Өзгөчө кырдаалдар министрлигинен билдиришкендей, өлкө башчысы Садыр Жапаровдун тапшырмасы менен министрлик тарабынан жакынкы күндөрдө Афганистанга 100 тонна азык-түлүк түрүндөгү, тагырагы 75 тонна ун, 20 тонна кумшекер, 5 тонна суумай жана 500 керебет, 500 жууркан, 500 төшөк жеткирилет.
Ошондой эле Эл аралык жарандык коргонуу уюму тарабынан бөлүнгөн 1 млн сомго аялдар жана балдарга кышкы кийим-кече, бут кийим, оюнчук, таттуу азыктары, гигиеналык каражаттар алынды.
Эске салсак, 2023-жылдын 7-октябрында Афганистандын Герат шаарынын түндүк-батыш тарабында очогунда күчү 6,3 балл болгон жер титирөө катталган. Афганистандын табигый кырсыктар министрлигинин өкүлүнүн расмий маалыматына ылайык, жер титрөөдөн 2 миңден ашуун адам каза болуп, 9 мин 240 адам жараткат алып, 1 миң 300дөн ашуун турак жай жабыркаган.
Пикир
Оставить комментарий