Бишкек, 24.05.23. /Кабар/. Кыргызгидромет борбору өлкө аймагында күтүлгөн аба ырайы тууралуу маалымат таратты.
Ага ылайык, бүгүн күндүз Кыргызстандын көпчүлүк аймактарында өткүн өтүп, күн күркүрөшү, бийик тоолуу райондордо кар жаашы күтүлөт.
Ош, Жалал-Абад облустарынын айрым жерлеринде жаан-чачын катуу жаашы күтүлөт. Бийик тоолуу райондордо жолдор тоңголок, тайгак болот.
Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге жетет.
Абанын температурасы Чүй облусунда +19...+24, Талас облусунда +17...+22, Ош, Жалал-Абад, Баткен облустарында +22...+27, Ысык-Көл облусунда +12...+17, Нарын облусунда+14...+19 градус болору күтүлөт.
Ал эми Бишкек шаарында абанын температурасы +20...+22 градус болот.
Пикир
Оставить комментарий