Кыргызстанда 29-декабрга карата күтүлгөн аба ырайы тууралуу маалымат

Бишкек, 29.12.21. /Кабар/. Кыргызгидромет борбору 29-декабрга карата өлкө аймагында күтүлгөн аба ырайы тууралуу маалымат таратты.

Ага ылайык, бүгүн, 29-декабрда жаан-чачын күтүлбөйт. Жолдор тайгак жана тоңголок болушу күтүлөт. Шамалдын багыты өзгөрүлүп турат, ылдамдыгы секундасына 2-7 метрге жетиши күтүлөт.

Абанын температурасы Чүй, Талас облустарында +4...+9, Ош, Жалал-Абад, Баткен облустарында +5...+10, Ысык-Көл облусунда -1...+4, ал эми Нарын облусунда-5...-10 градус суук болору күтүлөт.

Бишкекте шаарында абанын температурасы +6...+8 градуска жетет.