Бишкек, 25.11.24. /Кабар/. Кыргызстанда 4 миң 313 диний уюм каттоодон өткөн. Бул тууралуу Дин иштери боюнча мамлекеттик комиссиянын экспертиза жана диний уюмдар менен өз ара аракеттенүү бөлүмүнүн башчысы Айбек Иминов Бишкекте өтүп жаткан илимий-практикалык конференцияда билдирди.
Анын айтымында, катталгандардын ичинен 3 миң 914тү ислам багытындагы, 395и христиан багытындагы уюмдар. Ошондой эле 3 бахаи жамааты, 1 иудей жана 1 буддисттер жамааты каттоодон өткөн.
“Каттоодон өткөн диний уюмдардын эң ириси болуп мусулмандардын арасында ханафий мазхабын жана матурудий ишенимин сактоону камсыз кылуучу Кыргызстан мусулмандарынын дин башкармалыгы эсептелет”, - деди Айбек Иминов.
Иминов кошумчалагандай, ислам багытындагы уюмдун ичинен 3 миң 593 мечиттер, 40 уюм жана 220 диний окуу жайлар түзөт.
Пикир
Оставить комментарий