Кыргызстанда аялдардын операция жолу менен төрөөсү акысыз болушу керек – ММКФ

Бишкек, 01.02.22. /Кабар/. Кыргызстанда Бардык кош бойлуу аялдарга стационардык жана амбулатордук деңгээлде бекер медициналык жардам алуу укугу берилди, деп билдирди КР Милдеттүү медициналык камсыздандыруу фондунун (ММКФ) басма сөз кызматы.

ММК фонду Мамлекеттик кепилдиктер программасы (МГП) кош бойлуулугу боюнча каттоодо турган, төрөткө кирген, төрөттөн кийинки мезгилде (төрөттөн кийин 10 жуманын ичинде), ошондой эле стационардык дарыланууда кош бойлуулуктун патологиясы бар аялдарга (негизги диагнозу боюнча) социалдык-медициналык себептер боюнча кош бойлуулукту токтотууга кабыл алынгандар, аларга стационардык жана амбулатордук деңгээлде акысыз медициналык жардам алууга укук берет.

“Операция жолу менен төрөө дагы Мамлекеттик кепилдиктер программасынын алкагында көрсөтүлүүчү бекер медициналык кызматтарга тиешелүү, ошондуктан төрөт үйүнүн ар бир жетекчиси дары-дармектерге, анын ичинде анестезияга дайыма мониторинг жүргүзүүгө жана операциялык бөлүмдөрдү үзгүлтүксүз камсыздоого милдеттүү”, - деди ММК фондунун медициналык камсыздоо программаларын ишке ашыруу башкармалыгынын башчысы Жыпара Азизбекова.

Камсыздандырылбаган кош бойлуу аялдар үчүн Милдеттүү медициналык камсыздандыруу фонду бир жылдык мөөнөткө акысыз Милдеттүү медициналык камсыздандыруу полистерин ишке ашырат, бул аларга дармектерди үй-бүлөлүк дарыгерлердин рецепттери боюнча амбулатордук деңгээлде жеңилдетилген дары-дармектерди (фолий кислотасы, йод препараттары, анемияга каршы дарылар ж.б.) алуусуна укук берет.

Медицина кызматкерлери расмий эмес төлөмдөрдү талап кылган учурда жана башка суроолор боюнча ММКФнын 113 ишеним телефонуна чалыңыз (акысыз), саат 9.00-18.00 ачык.