Кыргызстанда акыркы суткада 16 адамдан коронавирус табылып, бир бейтап каза болду

Бишкек, 15.03.22. /Кабар/. Кыргызстанда 15-мартка карата коронавирус 16 адамдан аныкталды. Бул тууралуу Саламаттык сактоо министрлиги билдирет.

Маалыматка ылайык, анын ичинде Бишкек шаарында – 8, Чүй облусунда – 6, Ысык-Көл облусунда – 2 адамдан илдет табылган.

Акыркы суткада 43 адам илдеттен сакайып чыкса, бир бейтап каза болду.

Бүгүнкү күндө стационарларда коронавирустан 121 бейтап, амбулатордук түрдө 167 адам дарыланууда.

Кыргызстанда пандемия башталгандан бери 200 миң 758 адам коронавирус жуктурган. Алардын ичинен 195 миң 916 киши айыгып чыкса, 2 миң 974 адам каза болду.