Бишкек, 17.11.21. /Кабар/. Кыргызстандыктар COVID-19га каршы вакцинанын кошумча (үчүнчү) дозасын бүгүн, 17-ноябрдан тарта Бишкек шаарындагы бардык убактылуу эмдөө пункттарынан ала алат, ал эми калган аймактарда үчүнчү кошумча доза менен эмдөө бир жуманын ичинде жеткиликтүү болот. Бул тууралуу Саламаттык сактоо министрлигинин басма сөз кызматы билдирет.
Кимдер кошумча (үчүнчү) дозаны ала алат?
- орточо жана оор иммундук жетишсиздик менен жабыркагандар;
- 60 жаштан жогорку адамдар, мурда Sinofarm, Sinovac жана башка инактивдештирилген вакциналарды алгандар;
- коронавирус инфекциясын жуктуруп алуу жана башка адамдарга жуктуруу коркунучу өтө жогору медициналык кызматкерлер;
- COVID-19 менен ооруп айыккандар (анын ичинде мурда эмделген адамдар).
Кошумча доза жарандардын алгачкы 3 категориясына эмдөөдөн өткөндөн кийин 6 айдан эрте эмес мөөнөттө алуу сунушталат. Ал эми COVID-19 менен ооругандарга айыккандан бир айдан кийин эмделүү сунушталат.
Сезондук сасык тумоого, В вирустук гепатитине каршы инактивдештирилген вакциналар менен COVID-19га каршы вакциналардын ортосу 7 күн болушу зарыл.
Пикир
Оставить комментарий