Бишкек, 06.03.23. /Кабар/. Кыргызстанда 27-февралдан 6-мартка чейин курч респиратордук вирустук инфекция жана сасык тумоонун 5 миң 955 учуру катталды. Бул тууралуу Оорулардын алдын алуу жана мамлекеттик санитардык-эпидемиологиялык көзөмөл департаментинен билдиришти.
Маалыматка ылайык, эпидемиологиялык мезгил башталгандан тарта жалпысынан курч респиратордук вирустук инфекция жана сасык тумоонун 208 миң 540 учур катталган.
Белгилей кетсек, КРВИ жана сасык тумоо менен ооругандардын эпидемиологиялык өсүү мезгили жыл сайын октябрь-март айларына туура келет.
“Калк арасында күн сайын мониторинг жүргүзүлүүдө, - деп айтылат маалыматта.
Пикир
Оставить комментарий