Бишкек, 04.04.24. /Кабар/. Милдеттүү медициналык камсыздандыруу фондунан Кыргызстандагы чет өлкөлүк жарандар медициналык кызматтарды кантип пайдалана алары тууралуу айтып беришти.
Фонддон билдиришкендей, биринчи кезекте чет өлкөлүк жарандар, ошондой эле биздин өлкөдө жашаган же окуган чет өлкөлүк студенттер медициналык кызматтарды алуу үчүн милдеттүү медициналык камсыздандыруу полисин (ММК полиси) сатып алышы керек.
Бул үчүн Калкты тейлөө борборлорунун биринен жеке идентификациялык номерди (ПИН-код) алуу зарыл. Жеке идентификациялык номердин болушу ММК полисин алуу үчүн милдеттүү шарт болуп саналат.
ММК полиси адистердин консультациясы, диагностикалык жана лабораториялык изилдөөлөр, дарылоо, дары-дармектер, башка медициналык процедуралар, ошондой эле стационарга жаткырууда жеңилдетилген шарттардагы медициналык кызматтарды камтыган медициналык кызматтардын кеңири спектрин алууга мүмкүнчүлүк берет.
Милдеттүү медициналык камсыздандыруу полисин алуу чет элдик жарандарга жана студенттерге Кыргызстанда жүргөндө жардам берүүгө багытталган.
"ММК полисине байланыштуу суроолор боюнча ММК фондунун күнү-түнү иштеген 113 шыр байланыш телефонуна кайрылсаңыздар болот. Бардык телефондордон чалуу акысыз", - деп айтылат маалыматта.
Пикир
Оставить комментарий