Кыргызстанда COVID-19 каршы вакцинанын эки дозасын алгандар 1 млн адамга жакындады

Бишкек, 25.12.21. /Кабар/. Кыргызстанда акыркы суткада COVID-19 коронавирустук инфекциясына каршы 9 миң 540 адам эмдөөдөн өттү. Бул тууралуу Республикалык штаб билдирет.

Маалыматка ылайык, анын ичинен 4 миң 971 адам вакцинанын биринчи дозасын, 4 миң 569 жаран экинчи дозасын алды.

Өлкө боюнча жалпы 1 млн 211 миң 407 адам вакцинанын биринчи компоненти менен, ал эми 997 миң 496 жаран экинчи компоненти менен эмделди.