Бишкек, 20.04.22. /Кабар/. 2021-жылы экономиканын каржы секторунда 620 уюм, анын ичинде Улуттук банк, 23 коммерциалык банк, 580 банктык эмес каржылык-насыялык уюм, 14 камсыздандыруу компаниясы жана эки инвестициялык фонд ишин жүргүздү. Бул тууралуу Улуттук статистика комитети билдирет.
Маалыматка ылайык, 2021-жылы экономиканын финансы секторунун уюмдарынын кирешелеринин суммардык көлөмү 2020-жылга салыштырмалуу 20% көбөйүү менен 64 миллиардга жакын сомду түздү, бул банк секторунун, микронасыялык уюмдардын жана күрөөканалардын кирешелеринин өсүшү менен камсыз болду.
Каржы секторунун уюмдарынын чыгымдары 2021-жылы 11% өстү жана 43,4 млрд. сомду түздү.
Экономиканын финансы секторунун ишканаларынын ишмердүүлүгүнүн көрсөткүчтөрү
Жылдын жыйынтыгы боюнча экономиканын каржы секторунда оң сальдолоштурулган каржылык жыйынтык 20,5 млрд. сом суммасында пайда алынды, бул 2020-жылга караганда 45% көп. Пайданын өсүшү банктар менен камсыздалган, алардын үлүшүнө каржылык секторунун жалпы суммардык пайданын көлөмүнүн 83,0% туура келген, ошондой эле микронасыялык уюмдар (14,5%) менен камсыздалган.
2021-жылы каржы секторунун рентабелдүү уюмдарынын үлүшү алардын жалпы санынан 67% түздү, ал эми 16% жакын уюмдар чыгаша алды.
Жалпы экономиканын каржы секторунун активдеринин кирешелүүлүгү 3% өлчөмүндө аныкталды, мында алардын эң жогорку деңгээли (10%) микронасыялык уюмдардын жана күрөөканалардын арасында байкалды.
2021-жылдын аягына карата банктардын жана банктык эмес каржылык-насыялык уюмдардын насыялык портфелинин суммардык көлөмү 211 млрд. сомду ашты. Банктык секторуна насыялардын жалпы көлөмүнүн 85,6%, банктык эмес каржылык-насыялардын уюмдарынын секторуна - 14,4% туура келди. Насыялануунун негизги багыттары соода чөйрөсү (жалпы көлөмүнүн 26%), айыл чарба (20%), керектөө муктаждыктары (16%), ипотека (10%) жана курулуш (8% жакыны) болуп саналды.
Пикир
Оставить комментарий