Кыргызстанда ички дүң продукциянын көлөмү 4,6 пайызга көбөйдү

Бишкек, 11.04.23. /Кабар/. Кыргызстанда 2023-жылдын январь-мартында ички дүң продукт алдын ала баалоо боюнча 184 миллиардга жакын сомду түздү.

Улуттук статистика комитетинин төрагасынын орун басары Зайнидин Жумалиев брифингде билдиргендей, аталган көрсөткүч 2022-жылдын январь-мартына салыштырмалуу 4,6 пайызга көбөйгөн.