Бишкек, 27.11.20. /Кабар/. Кыргызстанда күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматы билдирет.
Сейсмология институтунун маалыматына ылайык, 27-ноябрь күнү саат 06:27де өлкө аймагында очогунда күчү 3,5 баллга жеткен жер титирөө катталган.
Жер титирөө Ош облусунун Ноокат районун Жайылма жана Чоң-Алай районунун Ачык-Суу, Кашка-Суу айылдарында 3 баллга чейин сезилген.
Жер титирөөдөн жабыркагандар жана кыйроолор катталган жок.
Пикир
Оставить комментарий