Бишкек, 25.12.23. /Кабар/. Кыргызстанда колледж жана кесиптик лицейлердин студенттери арасында WorldSkills таймашы өтөт
Билим берүү жана илим министрлигинен билдиришкендей, аталган таймаш 26-декабрда республиканын облустарында жана Бишкек шаарында “Мода технологиясы” адистиги боюнча билим алып жаткан студенттер арасында башталат.
Сынакка республика боюнча 51 окуу жайы, анын ичинде 9 колледж жана 42 кесиптик лицей катышат.
Сынактын жыйынтыгы менен республикалык деңгээлдеги сынакка катышуу үчүн 8 билим берүү мекемеси тандалып алынат. Улуттук деңгээлдеги жеңүүчүлөр 2024-жылдын 10-15-сентябрында Франциянын Лион шаарында өтө турган эл аралык сынакка барышат.
Мелдештин өтүү убактысы: саат 8:00дөн 18:00гө чейин.
Өтүүчү орду:
- Бишкек ш., И.Раззаков атындагы КМТУга караштуу ПК, Ч.Айтматов пр., 62;
- Ош ш., Ош ИПК, Г.Айтиев көч., 4, ОшМУнун жатаканасынын имараты;
- Жалал-Абад ш., ЖАМУ караштуу ЖАК, Токтогул көч., 16;
- Кызыл-Кыя ш., Тоо-техникалык колледжи, Школьная көч., 27;
- Балыкчы ш., ЫКИПК, Аманбаев көч., 208.
Сынактын максаты - заманбап эмгек рыногунун талаптарына ылайык квалификациялуу кадрларды даярдоо болуп саналат.
Пикир
Оставить комментарий