Бишкек, 07.08.18. /Кабар/. Кыргызстанда өткөн суткада сууга чөгүп бараткан эки адамдын өмүрү куткарылды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка караганда, Чүй облусунун Мээнеткеч айылында саат 22:22 чамасында лотокко 1965-жылы туулган Т.К. аттуу жаран кулап түшкөн. Куткаруучулар аны 22:40та алып чыгышкан. Анын абалы канааттандырарлык.
Ошондой эле Тоң районунун Бар-Булак айылында жергиликтүү тургундар чөгүп бараткан 1994-жылы туулган С. уулу А. аттуу жарандын өмүрүн сактап калышкан. Окуя болгон жерге келген куткаруучулар ага биринчи медициналык жардам көрсөтүшүп, Тез жардамдын дарыгерлерине өткөрүп беришкен. Анын абалы канааттандырарлык.
Пикир
Оставить комментарий